Një natë për t’u harruar për Dritën, por e veçantë për portierin gjilanas Faton Maloku.
Në duelin ndaj Inter d’Escaldes, Maloku ishte ndër pikat më të forta të skuadrës, duke realizuar disa pritje të rëndësishme dhe duke e mbajtur Dritën në lojë deri në fund të takimit.
Portieri gjilanas u bë protagonist edhe nga pika e bardhë, duke pritur një penallti dhe duke i dhënë skuadrës mundësinë për të rikthyer ndeshjen në favorin e saj. Megjithatë, Drita nuk arriti ta shfrytëzojë këtë mundësi.
Në një mbrëmje zhgënjyese për kampionët, Maloku ishte ndër lojtarët që mund të largohet me kokën lart. Pritjet e tij e mbajtën skuadrën në lojë, por nuk mjaftuan për ta shpëtuar Dritën nga eliminimi.
Performanca e portierit gjilanas ishte një nga pikat e pakta pozitive në një paraqitje që Drita do të dëshirojë ta harrojë sa më shpejt.
