Kryetari i Komunës së Gjilanit, Alban Hyseni, ka prit në takim volejbollistët e klubit “Drita.
Ai tha se janë krenarë me rrugëtimin e djemve të Klubit të Voleibollit “Drita”.
Sipas tij edhe pse finalja e kupës nuk përfundoi me trofeun në duart tona, djemtë tanë treguan karakter dhe luftuan deri në pikën e fundit.
“Arritja në finale dhe shpallja nënkampionë të Kupës së Kosovës, mbetet një sukses i madh për klubin dhe qytetin tone”, tha Alban Hyseni.
I pari i Komunës së Gjilanit, theksoi se kjo humbje është vetëm një motiv më shumë për t’u rikthyer edhe më të fortë drejt titullit kampion.
“Puna dhe përkushtimi i KV “Drita” nuk do të mbetet pa u shpërblyer”, tha kryetari Hyseni.
