Drejtori Gjeneral i Organizatës Botërore të Shëndetit, Tedros Adhanom Ghebreyesus, ka bërë të ditur se sot ka më së shumti raste të konfirmuara me Covid-19 në nivel global.
Ai ka bërë të ditur se të dielën janë konfirmuar më shumë se 136 mijë raste pozitive me Covid-19 në të gjithë botën.
“Edhe pse situata në Europë po përmirësohet, globalisht po përkeqësohet”, ka thënë drejtori i OBSH-së në një konferencë për medie.
E diela ishte edhe zyrtarisht dita me më së shumti raste të konfirmuara prej fillimit të pandemisë./Insajderi.org
