Sot është luajtur ndeshja e xhiros së fundit e Vala Superligës, vendimtare për t’i ikur barazhit, Vëllaznimi – Gjilani, e ku pati tensione në fund të ndeshjes.
Në fakt. ndeshja u mbyll 0:0, por në minuten e 92-të, u nderpre për pothuajse 20 minuta pas tensioneve në fushë nga futbollistët që më pas eskaloi edhe në tribuna me hedhje të gjësendeve.
Gjyqtari Genc Nuza urdhëroi zbrazjen e stadiumit, ndërsa Policia e Kosovës, më saktë njësiti ‘ROSU’ i ka vendosur tifozët e Gjilanit, ‘Skifterat’ në një ndërtesë për të evituar çdo incident të mundshëm mes tifozërive, që gjatë gjithë ndeshjes pothuajse janë sharë mes vete.
